“ಕುಕನೂರ| ವಿಜ್ಞಾನ ಕ್ಷೇತ್ರದ ಬೆಳಕಿನ ತಾರೆ ಮೇಡಂ ಮೇರಿ ಕ್ಯೂರಿ ಮತ್ತು ವಿಜ್ಞಾನಿ ಸಿ.ವಿ.ರಾಮನ್‌ ಅವರ ಜನ್ಮ ದಿನಾಚರಣೆ”

· ಸೆಕ್ಯುಲರ್‌ ವಾಯ್ಸ್‌ ನ್ಯೂಸ್‌ ಕುಕನೂರು :

ತಾಲ್ಲೂಕಿನ ಬಿನ್ನಾಳ  ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ 2ನೊಬೆಲ್‌ ಪ್ರಶಸ್ತಿ ವಿಜೇತೆ ಮೇಡಂ ಮೇರಿ ಕ್ಯೂರಿ  ಮತ್ತು ಖ್ಯಾತ ವಿಜ್ಞಾನಿ ಸರ್‌  ಸಿ.ವಿ.ರಾಮನ್‌ ಅವರ ಜನ್ಮ ದಿನಾಚರಣೆಯನ್ನು ಶನಿವಾರ ಆಚರಿಸಲಾಯಿತು.

ಕಾರ್ಯಕ್ರಮವನ್ನು ಉದ್ಘಾಟಿಸಿ, ಶಾಲೆಯ ವಿಜ್ಞಾನ ಶಿಕ್ಷಕ ಗುರುರಾಜ ಅವರು ಮಾತನಾಡಿ ಮೊದಲ ನೊಬಲ್‌ ಪ್ರಶಸ್ತಿ ಪಡೆದ ಮಹಿಳೆ ಎಂಬ ಕೀರ್ತಿ ಅವರದಾಗಿದೆ. ಮೇರಿ ಕ್ಯೂರಿ  ಅವರು ರೇಡಿಯೋ ಆಕ್ಟಿವಿಟಿ ಕ್ಷೇತ್ರದಲ್ಲಿ ನೀಡಿದ ಅಮೂಲ್ಯ ಕೊಡುಗೆ, ಪೊಲೋನಿಯಮ್ ಹಾಗೂ ರೇಡಿಯಮ್ ಮೂಲಧಾತುಗಳ ಅನಾವರಣ, ಮತ್ತು ಎರಡು ವಿಭಿನ್ನ ವಿಭಾಗಗಳಲ್ಲಿ (ಭೌತಶಾಸ್ತ್ರ ಹಾಗೂ ರಸಾಯನಶಾಸ್ತ್ರ) ನೋಬೆಲ್ ಪ್ರಶಸ್ತಿ ಪಡೆದ ಏಕೈಕ ವಿಜ್ಞಾನಿಯಾಗಿ ಅವರ ಸಾಧನೆಗಳನ್ನು ವಿದ್ಯಾರ್ಥಿಗಳಿಗೆ ಪರಿಚಯಿಸಲಾಯಿತು.

ಮೇರಿ ಕ್ಯೂರಿಯ ಪರಿಶ್ರಮ, ಅಧ್ಯಯನ, ಸಂಶೋಧನೆಗಳ ಹಿಡಿತ — ಈಗಿನ ಯುವ ವಿದ್ಯಾರ್ಥಿಗಳಿಗೆ ದೊಡ್ಡ ಮಾದರಿ” ಎಂದು ತಿಳಿಸುವ ಮೂಲಕ   ಅವರ ವಿಜ್ಞಾನ ಬುದ್ಧಿವಂತಿಕೆ ಮೇರಿ ಕ್ಯೂರಿ ಮಾದರಿಯಲ್ಲಿ ತಮ್ಮ ಅಧ್ಯಯನವನ್ನು ಮುಂದುವರಿಸಬೇಕು ಎಂಬ ಸಂದೇಶವನ್ನು ಕಾರ್ಯಕ್ರಮದ ಮೂಲಕ ತಿಳಿಸಲಾಯಿತು.

ನಂತರ  ಸರ್‌ ಸಿ.ವಿ.ರಾಮನ್‌ ಅವರು ಕುರಿತು ಮಾತನಾಡಿ, ಭಾರತಕ್ಕೆ ನೊಬೆಲ್ ಪ್ರಶಸ್ತಿಯ ಗೌರವ ತಂದ ಮಹಾನ್ ವಿಜ್ಞಾನಿ ಸರ್ ಚಂದ್ರಶೇಖರ ವೆಂಕಟ ರಾಮನ್ ಅವರ ಜೀವನವೇ ಹೊಸ ಪ್ರಶ್ನೆಗಳನ್ನು ಹುಡುಕುವ, ಸಂಶೋಧನೆ ಮಾಡುವ, ಪರೀಕ್ಷಿಸುವ ಮತ್ತು ಉತ್ತರ ಕಂಡುಕೊಳ್ಳುವ ಮನೋಭಾವಕ್ಕೆ ಜೀವಂತ ಉದಾಹರಣೆ. ವಿದ್ಯಾರ್ಥಿಗಳು ಪಾಠ ಪುಸ್ತಕಕ್ಕೆ ಮಾತ್ರ ಸೀಮಿತವಾಗದೆ ‘ಏಕೆ?’ ಎಂದು ಪ್ರಶ್ನೆ ಕೇಳುವ ಗುಣ ಬೆಳೆಸಬೇಕು, ಇದೇ ನಿಜವಾದ ವಿಜ್ಞಾನ ಕಲಿಕೆ ದಾರಿಯಾಗುತ್ತದೆ ಮತ್ತು ಅವರ  ವಿಜ್ಞಾನ ಸಾಧನೆಗಳು ಹಾಗೂ ಪರಿಶ್ರಮದ ಮೌಲ್ಯಗಳನ್ನು ವಿದ್ಯಾರ್ಥಿಗಳು ತಮ್ಮ ಜೀವನದಲ್ಲಿ ಅಳವಡಿಸಿಕೊಳ್ಳಬೇಕು” ಎಂದು ಕರೆ ನೀಡಿದರು.  

  ಕಾರ್ಯಕ್ರಮದಲ್ಲಿ ಅಧ್ಯಕ್ಷತೆಯನ್ನು ಈರಪ್ಪ ಉಪ್ಪಾರ್ ವಹಿಸಿದ್ದರು.ಈ ಸಂದರ್ಭದಲ್ಲಿ ಶಿಕ್ಷಕ ಸಿಬ್ಬಂದಿಗಳಾದ ಮಂಗಳಾ ಕೆ,  ವಿಜಯಲಕ್ಷ್ಮಿ, ಶ್ರೀದೇವಿ ಚಿಗರಿ ಸೇರಿದಂತೆ ವಿದ್ಯಾರ್ಥಿಗಳು ಪಾಲ್ಗೊಂಡರು.