” ಕೊಪ್ಪಳ| ಜನಶಕ್ತಿಯ ಮುಂದೆ ಬಲ್ಡೋಟಾ ಕಂಪನಿ ಓಡಿ ಹೋಗುತ್ತದೆ- ನಂದಿವೇರಿ ಶ್ರೀ ; ಕಾರ್ಖಾನೆ ಮಾಲೀಕರು ಜನರ ನೋವಿಗೆ ಸ್ಪಂದಿಸುವುದಿಲ್ಲ: ಚಿತ್ರನಟ ಚೇತನ ಅಹಿಂಸಾ ಆಕ್ರೋಶ”
Contents
” ಕೊಪ್ಪಳ| ಜನಶಕ್ತಿಯ ಮುಂದೆ ಬಲ್ಡೋಟಾ ಕಂಪನಿ ಓಡಿ ಹೋಗುತ್ತದೆ- ನಂದಿವೇರಿ ಶ್ರೀ ; ಕಾರ್ಖಾನೆ ಮಾಲೀಕರು ಜನರ ನೋವಿಗೆ ಸ್ಪಂದಿಸುವುದಿಲ್ಲ: ಚಿತ್ರನಟ ಚೇತನ ಅಹಿಂಸಾ ಆಕ್ರೋಶ”• ಸೆಕ್ಯುಲರ್ ವಾಯ್ಸ್ ನ್ಯೂಸ್, ಕೊಪ್ಪಳ:“ಗದಗ ಜಿಲ್ಲೆಯ ಕಪ್ಪತಗುಡ್ಡದಲ್ಲಿ ಬಲ್ಡೋಟಾ ಗೋಲ್ಡ್ ಮೈನಿಂಗ್ ಸಂಸ್ಥೆ ಜನರ ಒಗ್ಗಟ್ಟಾದ ಹೋರಾಟದ ಮುಂದೆ ತಲೆ ತಗ್ಗಿಸಬೇಕಾಯ್ತು. ಎಲ್ಲಾ ಆಮಿಷ ತೋರಿದರೂ ಜನಶಕ್ತಿಗೆ ಎದುರಿಸಲಾಗಲಿಲ್ಲ. ಇದೇ ಹೋರಾಟದಿಂದ ನಾವು ಅವರನ್ನು ಓಡಿಸಿದ್ದೇವೆ” ಎಂದು ಗದಗ ಜಿಲ್ಲೆಯ ಕಪ್ಪತಗುಡ್ಡದ ನಂದಿವೇರಿ ಶ್ರೀ ಶಿವಕುಮಾರ ಸ್ವಾಮೀಜಿ ಅವರು ಹೇಳಿದರು.ಇಲ್ಲಿನ ನಗರಸಭೆ ಸಂಕೀರ್ಣದ ಮುಂದೆ ನಡೆಯುತ್ತಿರುವ ಬಲ್ಡೋಟಾ ಸೇರಿದಂತೆ ವಿವಿಧ ಕಾರ್ಖಾನೆಗಳ ವಿರುದ್ಧದ ಹೋರಾಟದ 19ನೇ ದಿನದ ಧರಣಿಗೆ ಅವರು ಆಗಮಿಸಿ ಹೋರಾಟಗಾರರಿಗೆ ಬೆಂಬಲ ನೀಡಿದರು. ಸಭೆಗೆ ಮೊದಲು ಪೀಡಿತ ಪ್ರದೇಶದ ಕೆಲವು ಗ್ರಾಮಗಳಿಗೆ ಭೇಟಿ ನೀಡಿ ಜನರ ಸಮಸ್ಯೆಗಳು ಮತ್ತು ಪರಿಸ್ಥಿತಿ ಪರಿಶೀಲಿಸಿದರು.“ಇಲ್ಲಿನ ಗಂಭೀರ ಪರಿಸ್ಥಿತಿಯನ್ನು ರಾಜ್ಯದ ಪ್ರತಿಯೊಂದು ಮನೆಗೂ ತಲುಪಿಸುವ ಕೆಲಸ ಅಗತ್ಯ. ಈಗಾಗಲೇ ಗವಿಸಿದ್ದೇಶ್ವರ ಸ್ವಾಮೀಜಿ ನೀಡಿರುವ ಕರೆ ಸರಿಯಾದ ದಿಕ್ಕಿನ ಹೆಜ್ಜೆ. ರಾಜ್ಯದ ಎಲ್ಲ ಭಾಗದ ಸ್ವಾಮೀಜಿಗಳ ಅಗತ್ಯವಿದ್ದರೆ ಅವರನ್ನು ಕೂಡಾ ಕರೆಸಿಕೊಳ್ಳಬಹುದು” ಎಂದು ಅವರು ಅಭಿಪ್ರಾಯಪಟ್ಟರು.“ನಾವು ಯಾರ ವಿರೋಧಿಗಳೂ ಅಲ್ಲ. ಸರ್ಕಾರದ ಮೇಲೂ ನಮ್ಮಿಗೆ ಹಗೆತನವಿಲ್ಲ. ಆದರೆ ಜನರ ಜೀವದ ರಿಸ್ಕ್ ವಿಷಯದಲ್ಲಿ ಸರ್ಕಾರ ಸ್ಪಂದಿಸಲೇಬೇಕು” ಎಂದು ಸ್ವಾಮೀಜಿ ಹೇಳಿದರು.“ಕಾರ್ಖಾನೆಗಳು ಬೇಕಲ್ಲ ಎನ್ನುವುದಲ್ಲ, ಆದರೆ ಮಾನವ ವಾಸಸ್ಥಳಗಳಲ್ಲಿ ಕಾರ್ಖಾನೆಗಳಿಗೆ ಅವಕಾಶ ಕೊಡಬಾರದು. ಅತ್ಯುತ್ತಮ ಸ್ವಚ್ಛ ಗಾಳಿಯ ಹೊನಲು ಇರುವ ಕಪ್ಪತಗುಡ್ಡಕ್ಕೆ ‘ಶುದ್ಧ ಗಾಳಿ ಪ್ರದೇಶ’ ಸ್ಥಾನ ನೀಡಿದ್ದು ಸರಿಯೇ, ಆದರೆ ಕಾರ್ಖಾನೆಗಳಿಂದ ಸುತ್ತುವರಿದಿರುವ ಕೊಪ್ಪಳಕ್ಕೂ ಅದೇ ಸ್ಥಾನ ನೀಡಿರುವುದು ಪ್ರಶ್ನಾರ್ಹ” ಎಂದು ಅವರು ಅನುಮಾನ ವ್ಯಕ್ತಪಡಿಸಿದರು.“ಜನರಿಗೆ ಶುದ್ಧ ಗಾಳಿ–ನೀರು–ಪರಿಸರ ಹಕ್ಕು. ಅದನ್ನು ಉಳಿಸಿಕೊಳ್ಳಲು ಈ ಹೋರಾಟ ಮುಂದುವರಿಯಬೇಕು; ನಮ್ಮ ಸಂಪೂರ್ಣ ಬೆಂಬಲ ಇದೆ” ಎಂದರು.——————————————————-“ಜನರ ಬಾಳಿನ ಹಕ್ಕನ್ನು ಕುಂಠಿತಗೊಳಿಸುವ ಕಾರ್ಖಾನೆ ಒತ್ತಡ ಸಹಿಸಬೇಕಿಲ್ಲ” — ಚೇತನ ಅಹಿಂಸಾ ಆಕ್ರೋಶ”ಈ ಸಂದರ್ಭ ಹೋರಾಟಕ್ಕೆ ಬೆಂಬಲವಾಗಿ ಆಗಮಿಸಿದ್ದ ಚಲನಚಿತ್ರ ನಟ ಹಾಗೂ ಪ್ರಗತಿಪರ ಮುಖಂಡ ಚೇತನ ಅಹಿಂಸಾ ಮಾತನಾಡಿದರು.“ಜನರಿಗೆ ಬದುಕುವ ಮೂಲಭೂತ ಹಕ್ಕನ್ನು ಸಂವಿಧಾನ ಕೊಟ್ಟಿದೆ. ಅದರ ಆಧಾರದ ಮೇಲೆ ನ್ಯಾಯ ಸಿಗಲೇಬೇಕು. ಹೋರಾಟದ ಗಾತ್ರ ಮುಖ್ಯವಲ್ಲ; ಹೋರಾಟದ ವಿಷಯ ಮತ್ತು ಹೋರಾಟಗಾರರ ಗಟ್ಟಿತನವೇ ಮುಖ್ಯ” ಎಂದು ಹೇಳಿದರು.“ಆಳುವವರು ಜನರ ನೋವಿಗೆ ಕಿವಿಗೊಡಬೇಕು. ಜನರ ದುಃಖವನ್ನು ಅರಿಯದವರನ್ನು ನಾವು ಆಯ್ಕೆ ಮಾಡಬಾರದು. ಅಂಬೇಡ್ಕರ್ ಹೇಳಿದಂತೆ, ಮತ ಚಲಾಯಿಸುವುದಷ್ಟೇ ಸಾಕಾಗುವುದಿಲ್ಲ, ಅಧಿಕಾರದ ಹಕ್ಕನ್ನೂ ಜನರು ತಾವೇ ಹೊಂದಿಕೊಳ್ಳಬೇಕು. ಅದಕ್ಕೆ ಸಂಬಂಧಿಸಿದ ಅರಿವು ಮೂಡಿಸಲು ನಾನು ರಾಜ್ಯಾದ್ಯಂತ ಕೆಲಸ ಮಾಡುತ್ತಿದ್ದೇನೆ” ಎಂದು ಹೇಳಿದರು.————————————————————-“ಕಾರ್ಖಾನೆ ಮಾಲೀಕರು ಕ್ಯಾಪಿಟಲ್ ಸಿಟಿಯಲ್ಲಿ; ನೋವು ಮಾತ್ರ ಕೊಪ್ಪಳವಾಸಿಗಳಿಗೆ” — ಇಟಗಿ ಗವಿಮಠದ ಗುರುಶಾಂತವೀರ ಶಿವಾಚಾರ್ಯರು ಹೇಳಿಕೆ”ಗವಿಶಾಖಾ ಮಠದ ಶ್ರೀ ಗುರುಶಾಂತವೀರ ಶಿವಾಚಾರ್ಯರು ಮಾತನಾಡಿ — “ಇಲ್ಲಿನ ಕಾರ್ಖಾನೆ ಮಾಲೀಕರು ತಮ್ಮ ಕುಟುಂಬದೊಂದಿಗೆ ಈ ಕಾರ್ಖಾನೆ ಪ್ರದೇಶದ ನೂರಾರು ಎಕರೆಗಳಲ್ಲಿ ವಾಸ ಮಾಡಲಿ. ಆಗ ಪರಿಸ್ಥಿತಿಯ ಗಂಭೀರತೆ ಗೊತ್ತಾಗುತ್ತದೆ. ಅವರು ದೂರದ ಮಹಾನಗರಗಳಲ್ಲಿ ಸೌಕರ್ಯದಲ್ಲಿ ಇದ್ದು, ಇಲ್ಲಿ ಮಾಲಿನ್ಯ ಮತ್ತು ನೋವನ್ನು ಜನರ ಮೇಲೆ ಹೊರಿಸುತ್ತಿದ್ದಾರೆ” ಎಂದು ವಾಗ್ದಾಳಿ ನಡೆಸಿದರು. “ಗವಿಸಿದ್ಧೇಶ್ವರ ಸ್ವಾಮೀಜಿಯವರ ಅಪ್ಪಣೆಯ ಮೇರೆಗೆ ನಾನು ಬಂದಿದ್ದೇನೆ. ನಾವು ಸದಾ ಜನಪರ” ಎಂದರು.ಈ ಧರಣಿ ಸತ್ಯಾಗ್ರಹದಲ್ಲಿ ಕೊಪ್ಪಳ ಜಿಲ್ಲಾ ಬಚಾವೋ ಆಂದೋಲನ ಹಾಗೂ ಪರಿಸರ ಹಿತರಕ್ಷಣಾ ವೇದಿಕೆಯ ಪ್ರಮುಖರಾದ ಪ್ರೊ. ಅಲ್ಲಮಪ್ರಭು ಬೆಟ್ಟದೂರು, ಡಿ.ಎಚ್. ಪೂಜಾರ, ಕೆ.ಬಿ. ಗೋನಾಳ, ಮಂಜುನಾಥ ಗೊಂಡಬಾಳ, ಎಸ್.ಬಿ. ರಾಜೂರು, ಮೂಕಪ್ಪ ಮೇಸ್ತ್ರಿ, ಯಮನೂರಪ್ಪ ಹಾಲಳ್ಳಿ, ಕರಿಯಪ್ಪ ಗುಡಿಮನಿ, ವಿದ್ಯಾ ನಾಲವಾಡ, ರತ್ನಮ್ಮ, ಬಸವರಾಜ ಶೀಲವಂತರ, ಮಹಾದೇವಪ್ಪ ಮಾವಿನಮಡು, ಎಸ್.ಎ. ಗಫಾರ್, ಶಂಭುಲಿಂಗಪ್ಪ ಹರಗೇರಿ, ಡಿ.ಎಂ. ಬಡಿಗೇರ, ಮುದಕಪ್ಪ ಹೂಸಮನಿ, ಶರಣು ಗಡ್ಡಿ, ಶರಣು ಪಾಟೀಲ್, ಮಖಬೂಲ್ ರಾಯಚೂರು, ಕಾಶಪ್ಪ ಛಲವಾದಿ, ರಾಜು ಸಸಿಮಠ, ಗವಿಸಿದ್ದಪ್ಪ ಸೇರಿದಂತೆ ಅನೇಕರು ಭಾಗವಹಿಸಿದ್ದರು.
• ಸೆಕ್ಯುಲರ್ ವಾಯ್ಸ್ ನ್ಯೂಸ್, ಕೊಪ್ಪಳ:
“ಗದಗ ಜಿಲ್ಲೆಯ ಕಪ್ಪತಗುಡ್ಡದಲ್ಲಿ ಬಲ್ಡೋಟಾ ಗೋಲ್ಡ್ ಮೈನಿಂಗ್ ಸಂಸ್ಥೆ ಜನರ ಒಗ್ಗಟ್ಟಾದ ಹೋರಾಟದ ಮುಂದೆ ತಲೆ ತಗ್ಗಿಸಬೇಕಾಯ್ತು. ಎಲ್ಲಾ ಆಮಿಷ ತೋರಿದರೂ ಜನಶಕ್ತಿಗೆ ಎದುರಿಸಲಾಗಲಿಲ್ಲ. ಇದೇ ಹೋರಾಟದಿಂದ ನಾವು ಅವರನ್ನು ಓಡಿಸಿದ್ದೇವೆ” ಎಂದು ಗದಗ ಜಿಲ್ಲೆಯ ಕಪ್ಪತಗುಡ್ಡದ ನಂದಿವೇರಿ ಶ್ರೀ ಶಿವಕುಮಾರ ಸ್ವಾಮೀಜಿ ಅವರು ಹೇಳಿದರು.
ಇಲ್ಲಿನ ನಗರಸಭೆ ಸಂಕೀರ್ಣದ ಮುಂದೆ ನಡೆಯುತ್ತಿರುವ ಬಲ್ಡೋಟಾ ಸೇರಿದಂತೆ ವಿವಿಧ ಕಾರ್ಖಾನೆಗಳ ವಿರುದ್ಧದ ಹೋರಾಟದ 19ನೇ ದಿನದ ಧರಣಿಗೆ ಅವರು ಆಗಮಿಸಿ ಹೋರಾಟಗಾರರಿಗೆ ಬೆಂಬಲ ನೀಡಿದರು. ಸಭೆಗೆ ಮೊದಲು ಪೀಡಿತ ಪ್ರದೇಶದ ಕೆಲವು ಗ್ರಾಮಗಳಿಗೆ ಭೇಟಿ ನೀಡಿ ಜನರ ಸಮಸ್ಯೆಗಳು ಮತ್ತು ಪರಿಸ್ಥಿತಿ ಪರಿಶೀಲಿಸಿದರು.
“ಇಲ್ಲಿನ ಗಂಭೀರ ಪರಿಸ್ಥಿತಿಯನ್ನು ರಾಜ್ಯದ ಪ್ರತಿಯೊಂದು ಮನೆಗೂ ತಲುಪಿಸುವ ಕೆಲಸ ಅಗತ್ಯ. ಈಗಾಗಲೇ ಗವಿಸಿದ್ದೇಶ್ವರ ಸ್ವಾಮೀಜಿ ನೀಡಿರುವ ಕರೆ ಸರಿಯಾದ ದಿಕ್ಕಿನ ಹೆಜ್ಜೆ. ರಾಜ್ಯದ ಎಲ್ಲ ಭಾಗದ ಸ್ವಾಮೀಜಿಗಳ ಅಗತ್ಯವಿದ್ದರೆ ಅವರನ್ನು ಕೂಡಾ ಕರೆಸಿಕೊಳ್ಳಬಹುದು” ಎಂದು ಅವರು ಅಭಿಪ್ರಾಯಪಟ್ಟರು.
“ನಾವು ಯಾರ ವಿರೋಧಿಗಳೂ ಅಲ್ಲ. ಸರ್ಕಾರದ ಮೇಲೂ ನಮ್ಮಿಗೆ ಹಗೆತನವಿಲ್ಲ. ಆದರೆ ಜನರ ಜೀವದ ರಿಸ್ಕ್ ವಿಷಯದಲ್ಲಿ ಸರ್ಕಾರ ಸ್ಪಂದಿಸಲೇಬೇಕು” ಎಂದು ಸ್ವಾಮೀಜಿ ಹೇಳಿದರು.
“ಕಾರ್ಖಾನೆಗಳು ಬೇಕಲ್ಲ ಎನ್ನುವುದಲ್ಲ, ಆದರೆ ಮಾನವ ವಾಸಸ್ಥಳಗಳಲ್ಲಿ ಕಾರ್ಖಾನೆಗಳಿಗೆ ಅವಕಾಶ ಕೊಡಬಾರದು. ಅತ್ಯುತ್ತಮ ಸ್ವಚ್ಛ ಗಾಳಿಯ ಹೊನಲು ಇರುವ ಕಪ್ಪತಗುಡ್ಡಕ್ಕೆ ‘ಶುದ್ಧ ಗಾಳಿ ಪ್ರದೇಶ’ ಸ್ಥಾನ ನೀಡಿದ್ದು ಸರಿಯೇ, ಆದರೆ ಕಾರ್ಖಾನೆಗಳಿಂದ ಸುತ್ತುವರಿದಿರುವ ಕೊಪ್ಪಳಕ್ಕೂ ಅದೇ ಸ್ಥಾನ ನೀಡಿರುವುದು ಪ್ರಶ್ನಾರ್ಹ” ಎಂದು ಅವರು ಅನುಮಾನ ವ್ಯಕ್ತಪಡಿಸಿದರು.
“ಜನರಿಗೆ ಶುದ್ಧ ಗಾಳಿ–ನೀರು–ಪರಿಸರ ಹಕ್ಕು. ಅದನ್ನು ಉಳಿಸಿಕೊಳ್ಳಲು ಈ ಹೋರಾಟ ಮುಂದುವರಿಯಬೇಕು; ನಮ್ಮ ಸಂಪೂರ್ಣ ಬೆಂಬಲ ಇದೆ” ಎಂದರು.
——————————————————-
“ಜನರ ಬಾಳಿನ ಹಕ್ಕನ್ನು ಕುಂಠಿತಗೊಳಿಸುವ ಕಾರ್ಖಾನೆ ಒತ್ತಡ ಸಹಿಸಬೇಕಿಲ್ಲ” — ಚೇತನ ಅಹಿಂಸಾ ಆಕ್ರೋಶ”
ಈ ಸಂದರ್ಭ ಹೋರಾಟಕ್ಕೆ ಬೆಂಬಲವಾಗಿ ಆಗಮಿಸಿದ್ದ ಚಲನಚಿತ್ರ ನಟ ಹಾಗೂ ಪ್ರಗತಿಪರ ಮುಖಂಡ ಚೇತನ ಅಹಿಂಸಾ ಮಾತನಾಡಿದರು.
“ಜನರಿಗೆ ಬದುಕುವ ಮೂಲಭೂತ ಹಕ್ಕನ್ನು ಸಂವಿಧಾನ ಕೊಟ್ಟಿದೆ. ಅದರ ಆಧಾರದ ಮೇಲೆ ನ್ಯಾಯ ಸಿಗಲೇಬೇಕು. ಹೋರಾಟದ ಗಾತ್ರ ಮುಖ್ಯವಲ್ಲ; ಹೋರಾಟದ ವಿಷಯ ಮತ್ತು ಹೋರಾಟಗಾರರ ಗಟ್ಟಿತನವೇ ಮುಖ್ಯ” ಎಂದು ಹೇಳಿದರು.
“ಆಳುವವರು ಜನರ ನೋವಿಗೆ ಕಿವಿಗೊಡಬೇಕು. ಜನರ ದುಃಖವನ್ನು ಅರಿಯದವರನ್ನು ನಾವು ಆಯ್ಕೆ ಮಾಡಬಾರದು. ಅಂಬೇಡ್ಕರ್ ಹೇಳಿದಂತೆ, ಮತ ಚಲಾಯಿಸುವುದಷ್ಟೇ ಸಾಕಾಗುವುದಿಲ್ಲ, ಅಧಿಕಾರದ ಹಕ್ಕನ್ನೂ ಜನರು ತಾವೇ ಹೊಂದಿಕೊಳ್ಳಬೇಕು. ಅದಕ್ಕೆ ಸಂಬಂಧಿಸಿದ ಅರಿವು ಮೂಡಿಸಲು ನಾನು ರಾಜ್ಯಾದ್ಯಂತ ಕೆಲಸ ಮಾಡುತ್ತಿದ್ದೇನೆ” ಎಂದು ಹೇಳಿದರು.
————————————————————-
“ಕಾರ್ಖಾನೆ ಮಾಲೀಕರು ಕ್ಯಾಪಿಟಲ್ ಸಿಟಿಯಲ್ಲಿ; ನೋವು ಮಾತ್ರ ಕೊಪ್ಪಳವಾಸಿಗಳಿಗೆ” — ಇಟಗಿ ಗವಿಮಠದ ಗುರುಶಾಂತವೀರ ಶಿವಾಚಾರ್ಯರು ಹೇಳಿಕೆ”
ಗವಿಶಾಖಾ ಮಠದ ಶ್ರೀ ಗುರುಶಾಂತವೀರ ಶಿವಾಚಾರ್ಯರು ಮಾತನಾಡಿ — “ಇಲ್ಲಿನ ಕಾರ್ಖಾನೆ ಮಾಲೀಕರು ತಮ್ಮ ಕುಟುಂಬದೊಂದಿಗೆ ಈ ಕಾರ್ಖಾನೆ ಪ್ರದೇಶದ ನೂರಾರು ಎಕರೆಗಳಲ್ಲಿ ವಾಸ ಮಾಡಲಿ. ಆಗ ಪರಿಸ್ಥಿತಿಯ ಗಂಭೀರತೆ ಗೊತ್ತಾಗುತ್ತದೆ. ಅವರು ದೂರದ ಮಹಾನಗರಗಳಲ್ಲಿ ಸೌಕರ್ಯದಲ್ಲಿ ಇದ್ದು, ಇಲ್ಲಿ ಮಾಲಿನ್ಯ ಮತ್ತು ನೋವನ್ನು ಜನರ ಮೇಲೆ ಹೊರಿಸುತ್ತಿದ್ದಾರೆ” ಎಂದು ವಾಗ್ದಾಳಿ ನಡೆಸಿದರು. “ಗವಿಸಿದ್ಧೇಶ್ವರ ಸ್ವಾಮೀಜಿಯವರ ಅಪ್ಪಣೆಯ ಮೇರೆಗೆ ನಾನು ಬಂದಿದ್ದೇನೆ. ನಾವು ಸದಾ ಜನಪರ” ಎಂದರು.
————————————————————-
